#YOYOIBET

Eh lu..

Gua sedih tau kalo lu kebawa jeleknya pergaulan

Gua sedih kalo lu mulai ikut ikutan nyontek,

Apelagi kalo liat lu nge-hacep pake modelan yang ude ngumbar-ngumbar

Tangan lu jangan sampe di gandeng sama orang yang gak berhak yak

Dulu emang bukan gua yang ngingetin lu buat hal hal kek begini

Dulu kan kite belajarnya selalu bareng2,

Jadi lu kaga bakal mau ngambil hak temen yang berjuang bareng lu kan?

Kalo sekarang emang rada susah, soalnye gua tau bener pasti anak2 kelas lu ada aje yang curang

Lu percaya kalo Allah maha Adil kan?

Itu die kenapa gua sedih kalo lu nyontek,

Gua takut kalo temen gua ngezolimin nilai orang, bakal dibales sama kezoliman juga

Gua sama sekali kaga nyumpahin

Coba lu buka surat Thaaha ayat 111

Terus lu lanjutin ayat 112, lu resepin bener-bener gimane Allah menjamin kaga bakal ada pengurangan hak buat lu

Jadi buat ape nyontek, kalo rejeki yang emang takdirnye buat lu kaga akan kemane?

Dulu kan lu juga tau, se-kampung kampungnya baju kita, kaga ade tu yang ampe ngempret pantat

Kalo ada juga, langsung tegor-tegoran kan

Ya walopun kadang emang suka digibahin dulu wkwk

Dulu juga kite pernah ngintipin rejal kaga pake kerudung

Udah kan kaga bebas bet rasanye kek begitu

Jangan diumbar lagi yak rambut lu,

Bukan masalah kasian suami lu, ato bahkan bapak lu

Coba dah lu pikirin diri lu sendiri dulu

Dibakar kaga enak tau, panas

Tapi dulu lu pasti terima dah kalo di tegor, soalnya lu tau kan itu buat kebaikanlu juga

Sekarang lu bakal marah kaga kalo di tegor?

Eh lu..

Gua tau banget dah kalo lu bukannye berubah,

Tapi lu cuma lagi ngelewatin masa masa pengen punya banyak temen, pen begaul sana-sini, pen tau macem macem.

Sama, gua juga begitu

Makanye jaga diri lu yak

Sekeren apapun mode yang mau lu ikutin, seanjas apapun gaya yang mau lu pake

Jangan sampe lu ngorbanin hati nuranilu

Iye,

Hati manusia itu yang dicari pasti kebaikan

Kalo hati lu udah mulai kaga srek, tinggalin aje mendingan

Kalo nyontek, lu gelisah-gelisah pen berak gitu kan? Tinggalinlah

Kalo cabut lu gugup kaga mau ketauan kan? Tinggalinlah

Yang dulu biar aje tetep jadi kenangan yang paling lu kangenin

Kalo dulu pernah melakukan sesuatu yang buruk,

Berarti sekarang adalah waktu yang paling yoi buat jadi orang bae

Lu harus bet inget, akhirnya kita bakal mati juga

Kata ter-hacep YOLO itu salah

Kite hidup duakali

Kehidupan yang kedua itu yang nanti baru jadi tempat lu bersante-sante

Itu juga, kalo kehidupan pertama lu yang sekarang bener

Benerin makanye sama-sama

Jadi saling mendoakan gitu biar romantis

Biar kita bisa reunian juga..

Di Surganye Allah nanti

IDIY keren ye,

Gua emang jago bet ngerangkai kata-kata kek Mario teguh golden ways uhukgkg

Siapa tau lu ada yang lagi merem terus baca ini jadi sedikit melek.

Eh hati gua bilang “Tepan dah, kalo merem gimane mo baca kan”

Yaude ulang, siapa tau lu lagi ada yang mabok-mabok terbuai wanginya dunia

shaat wkwkwk

Tapi gua kaga ngingetin yak

ini gua cuma iseng doang nulis

Sapetau ada yang kangen ama gua terus nangis

pain gua ngingetin lu emang gua emak lu wkwkwk